شو رأيك بلهجت بلدك

مصطلحات فلسطينية مضحكة
ارجو التثبيت
بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز) عليوة هههه

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه
ونجك حالك = يعني زبط حالك

روق يا ضاوي = يعني وحد الله يا مجنون ههههههههههه
على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب

يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة
كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

برقان = برتقال بس الواحد بيكون مستعجل

بوزك = وجهك

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره

الحين = الان بس احنا النا بعد تانى عن الحياه ( حمامي) ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

شرشف = ملاية

جربان = شراب ( في الرجل بلبسوه )

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

سجرة = شجرة

اسكومية = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

فشكة = بيت الرصاصة الفارغه.....

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخو= اسلوب نداء للمذكر

بسكليت = يعني دراجة

بنكش راس= بمزح

أنطي = معلمه =أبلة

عرسة= فأر كبير

يسلمووووووووووو ماريا

من احلى اللهجات لهجتنا الفلسطينيه وخصوصا اهل غزة

بسيطه ومفهومة وسهلة

وقريبه من القلب

إنتى يالى قريبة من الالب خالتو الفردوس

ههههههه
تعالوا عندي واسمعه اللهجات

صديقي الجزائري يقول لي عندكم لغة ما انزل الله بها من سلطان
مرة كان بالسوق اتصلت علي بقله بدي فرخ جلاتين الا هو قلي وايش هادا الفرخ ههه
ومرة اخرى بقلوا بدنا نجلي الجلي الا هو فتح عيني فيا وبقلي ايش هادا الجلي
ومرة بقلوا بدي انزل اشتري اواعي الا هو بقلي عندك صحون هما عندهم الصحون وادوات المطبخ (مواعين)

بعض ما حصلته من اللهجة الجزائرية

شامبرا = غرفة
فورماج = جبنه
عظام = بيض
نحيها = ابعدها
اهدر = احكي
اجبدها = اسحبها
زيت زيتون حر = ويت زيتون مرتب
مش كاين = مش صحيح
وايش حال = نسيت شو معناها هادي بس اعتقد انها كيف ؟؟؟
سافا لا بئس= رد على واحد بقلك شو اخبارك معناها بخير

اسكومية = يعني ايس كريم هههههههه ( الدلع )

ههههههههههههههه
حلو كتير ما في بعد فلسطين واهلها ولهجتهاا

يوووووووووووووي احلى لهجه لهجتنا والله وصح كلامك اختي فردوس وخصوصا اللهجه الغزاويه

احلا اللهجات لهجة الفلسطينة ما في بعدها.....يسلمو ع الطرح الرائع دمتم بخير

اكيد احلى لهجه لهجتنا شكرا لمروركم

ضلك كاوي = ضلك ماشي على طول (نفس الطريق )

قصافة = يعني مقص أظافر

هههههههههه
موضوع حلوو كتير بجد
وأحلى لغة لغتنـــا
خصوصــا لغة أهل يافا
مش زي المجادلـة بدال ما تحكي دعيتلك من قلبي بحكوا دعيتلك من " كلبي " Smile

لا بمزح أحلى ناس المجادلـة

بارك الله فيكي
موضوع جدا مميز

برايك مش حلوة اللهجة المجدلويه والله احلى لهجه هههههه

طيب شو يعني ط أو ماشي

كومون سافا = كيف حالك
هادا بالجزائري وهي ماخوذة من الفرنسية

احشم على نفسك = يعني استحي هههههههههه
برضوا بالجزائري

غدوة = بكرة = غدا

طيب شو يعني ط أو ماشي

(ط) اختصار لكلمة طيب

وهاى الكلمة بحكيها كتير (ط)كلمة طيب طويلة هههههه

هي (ط) احيانابئولوها طي واحيانا (ط) بس والله انها حلوه كتيييييييير ومعناها طيب او ماشي او اوك ههههه

اه هههههه

اها او اه ههههه

» ماهو رأيك ....؟!
» شو رأيك فى الفيس بوك
» ما رأيك بدعاء اذا دعوتة تمضي سنة ولا تستطيع الملائكه الانتهاء من كتابة حسناتك؟؟؟

شو رأيك بلهجت بلدك

Content on this page requires a newer version of Adobe Flash Player.