اممم موضوع عالماااشي اشياء محيراني ونفسي الاقيلها جواااب فوتوا بليييز

ياجماعة الخير انا وحدة ماشية عالماشي مابحب الفلسفة الكتيرة وزي مابقولو الكلام اللي في قلبي علساني

المهم انا فتحت هاي الصفحة لانو في هالدنيا اشياء كتيييييييييييير محيراني نفسي اعرف فيها الصح من الخطأ
يعني بالعربي الصفحة للنقاش ونقاش باي لهجة المهم يكون الكلام صادق ونوصل للحلول اللي بدنا اياها
احكي بصراااحة
المسنجر ياجماعة الخير نفسي اعرف فيه اشياء كتيييييير محيراني
انا مابنكر اني كنت اكلم شباب بالمسنجر بس شباب بعرفهم يعني قرايبنا والله العلاقة اخوية بحتة ماكان فيها اي تجاوزات
بس دخلت هادا المنتدى تغيرت عندي اشياء كتير
قرات اكتر من موضوع فهمت بعدها انو حرام مطلقا كلام الشباب مين من كانو يكونوا
وسالت دمووع الاقصى عن رايها بهالموضوع
حكتلي انها ترفض الحديث مع الشباب جملة وتفصيلا الا في مواقف نادرة و نااااااااااادرة جدااااااا
طيب ليش؟؟؟؟ ليش كتير شباب بعرفهم قمة في الالتزام بتفاجئ بالاخر انو عادي عنده يكلم بنات من منتديات او من عيلته او حتى مافي صلة بينهم
ليش اللي زي دمووع مثلا بترفض تكلم حتى ابن عمها اللي اصغر منها واللي متربية معه معظم حياتها
ياربيييييي مين الصح silent

مين اللي على حق !!!!!!!!!!!!!!!!!!!!
انا عيلتي بصراحة منفتحين يعني علاقتنا بقرايبنا عادية جدا
لما دخلت هادا المنتدى بدأت اعمل حواجز مع شباب العائلة صرت ارفض احكي مع كتير شباب والكل يسالني عن السبب والجملة اللي بتتكرر كتير (طيب ليش في ايش احنا اسأنا الك انتي زي اختنا وبنخاف عليكي زي خواتنا بالزبط )
انا محتااااااااااااااااااااااااااااااااااااارة نفسي افهم الصح Sad

محرجة من اللي حواليا
مش عارفة ارد عليهم نفسي الكل يشارك وبصراحة
خلونا نجلس جلسة صراحة انا حكيت كل اللي عندي بكل صدق
الجلسة مش للعتاب او لسوء الظن
الجلسة محاااااااولة للوصول للافضل
دموع الاقصى ** الفردوس *همسة وفا *بال فري*طارق * ابو عبيدة *محمد 2*ابو حمزة *اهلاوي *المارد*نبض فلسطين*رموش حبيبة الكل*دموع الجراح*دمعة غزة الجريئة *غزاوية عسولة *فلسطيني حر * جوري فلسطين *زهرة الغربة *فلسطينية وافتخر*حلا *القلب الطيب
كل الاعضاء الجداد والقدامى اللي بعرفهم واللي مابيعرفوني كل اللي في المنتدى
رجااااااااااااااااااااااااء جاوبوا بصراحة
انا في انتظااااااااااركم

السلام عليكم ورحمة الله وبركاته

أختي همس الربيع

الموضوع هدا انحكا فيه كتير بس الباين انتى مش مقتنعه
انا ما بقدر افتي لكن اهل العلم والدين أفتوا بحرمانيته وتعتبر المحادثة
بين الشباب والبنات خلوة شرعيه
يقول المصطفى صلى الله عليه وسلم
(ما خلا رجل بإمراة إلا كان الشيطان ثالثهما )
وحتى زي ما بتحكى انه كلام اخوي ومحترم
الإ نسان ما بيضمن نفسه والشيطان حريص على غواية بني آدم
وبعدين الكلام المحترم ممكن مع الوقت يصل لحد الاعجاب وهذا ما يحصل غالبا
اعجاب بطريقة الحكي بالحوار بالافكار ويمكن يطور لا سمح الله
عشان هيك من البدايه نقطع الخط على الشيطان وما نترك له المجال ليوقع بنا فيما حرم الله
وبعدين يعني شو راح تستفيدي من الحكي كل واحد ممكن يلاقى اللى يناسبه من بنى جنسه
يعنى البنت ممكن تلاقى اللي بدها اياه مع بنت متلها والعكس مو ضروري شب
بعدين كتير مشاكل بتصير بين البنت واهلها من هدا الموضوع فمن باب اولى
(الباب اللى بيجيلك منو الريح سدوا واستريح )
ملاحظه :يعنى لو اضطررتي لامر ضروري تحكى مع شب لازم يكون حد جنبك لقطع الخلوة
بتعرفى انا حكى معى الاخ طارق لامر مهم والله العظيم رغم انى انا عمري 40سنه الا انى
ماحكيت الا وتكون بنت اخى معى وتشوف الكلام اللى منحكيه عشان ما يكون حرمانيه

وموضوع انك محرجه مع قرايبك الموضوع ما في احراج
يعني لازم يفهموا انك بتحافضى على امور دينك

يقول شيخ الإسلام ابن تيمية رحمه الله تعالى:

"جهاد النفس والهوى أصل جهاد الكفار والمنافقين،

فإنه لا يقدر على جهادهم حتى يجاهد نفسه وهواه أولاً،

حتى يخرج إليهم، فمن قهر هواه عز وساد،

ومن قهره هواه ذلّ وهان وهلك وباد"

من ترك شيئاً لله عوضه الله خيراً منه !

الهم اهدي شباب وبنات المسلمين

أختي همس الربيع بالنسبة للحديث بين الشباب والبنات على المسنجر سواء كانوا قرايب أو مش قرايب الموضوع هادا بيفتح مداخل كتييير للشيطان وهادا الموضوع بالنسبة اللي مرفوض لإنوا بسبب الكتير من الفتنة وكتير من المشاكل يعني ممكن في البداية يكون الكلام عادي أخوية وفي أمور عامة بس بعد هيك ممكن إنوا يتحول بالتدريج لكلام تاني وبصير قلب الشب أو البنت متعلق بالتاني يعني بصير يدخل المسنجر علشان يكلمها وبقلك بكلمها في أمور عامة
بعدين في شباب كتير بعرفهم بكلموا بنات على المسنجر وفي منهم ملتزمين،، ولما أسأل الشب ليش بتحكي مع البنات على المسنجر بقلي بنحكي في كلام عام،، سعيتها بسأله طب لو لقيت أختك بتحكي مع شب غريب على المسنجر في كلام عام بترضى، سعيتها بعرفش يحكي ـ معناها اللي بترضهش على أختك مترضهش على بنات الناس

بعدين في شب بعرفه إلوا بنت عم اتطلقت من زوجها علشان كانت اتكلم شب على المسنجر،، والكلام اللي كان بينهم في أمور عامة
و زي ما قالت الأخت الفردوس أي حاجة بعوزها الشخص بلاقيها عند شخص تاني من نفس جنسه

وفي النهاية نسأل الله العظيم الهداية لجميع الشباب والفتيات
بارك الله فيكي أختي همس الربيع

طبعا الأخوة .. الفردوس.. محمد2
كفوا ووفوا ما في كلام بعد كلامهم

في كتير شباب زي ما حكا الأخ محمد2 .. أنه بكلمو بنات بس ما بخلو خواتهم يكلمو شباب
على أنه بغار على أختو .. طب بنت الناس اعتبرها زي أختك ..شو هالهبل؟
وأنا متأكدة لو حبهــا مستحيـــل يتزوجها ((الا من رحم ربي )) وحيحكي ((زي ما بتكلمني بتكلم ألف غيري)) .. طيب زي ما انت هيك محافظ على اختك بنت الناس برضو انت بتعتبرها أختك لما تكلمها حافظ عليها
أنا الحمد لله لا بكلم قرايب ولا بعـــــاد
بعين الله
الله يهدي جميع المسلمين

بصراحة الاعضاء حكوا المفيد

مشكووورين على ردووودكم الرووعة والمقنعة فعلا

والله يبارك فيكم يارب
كنت اتمنى اشوف ردوود اعضاء بذاتهم لكن اللي ردو كفوا ووفوا
وتحياتي للجميع

همس الربيع كتب:: مشكووورين على ردووودكم الرووعة والمقنعة فعلا

والله يبارك فيكم يارب
كنت اتمنى اشوف ردوود اعضاء بذاتهم لكن اللي ردو كفوا ووفوا
وتحياتي للجميع

الاخوة كفوا ووفوا

اذا كنتي راي اعضاء معينيين
ارسلي الموضوع برسالة خاصه لهم

» بدي مساعدة منكم بليييز ادخلو
» ثلاثة اشياء
» اشياء لاتعلمها في جهازك النقال

اممم موضوع عالماااشي اشياء محيراني ونفسي الاقيلها جواااب فوتوا بليييز

Content on this page requires a newer version of Adobe Flash Player.