هنا صفحة ليوميات الاعضاء

سلااااااام على الحلوييين من اعضاء المنتدى الطيب

الموضوع مبين من عنوانه
قررت افتح صفحة (معلش الصفحات اللي فتحتها كتير اتحملوني Smile

)المهم
الصفحة هاي لاي عضو نفسه يحكي ومش لاقي حدا يفضفض له
بنحكيله او بحكيله انا همس الربيع Laughing

اتفضل كل الصفحة الك
احكي كل اللي في قلبك ,,,, ايش عملت ,, ايش صار معك طول اليوم !!,,, ايش نفسك تعمل ,,
ايش اكلت

,و ايش دايقك اليوم ,, ايش فرحك كمااان
مين اللي غلبك ؟؟؟؟ مين نفسك تطخه ؟؟؟ مين مشتاقله ؟؟؟ مين مش طايقه ؟؟؟
كل اشي كل اشي
واحنا هنا عشان نسمع بس
واذا قدرنا نساعدك حنكووووون معك اكييييييييييييييد
والناس الامورين اللي عندهم خبرة اكيد مش حيقصروا
يللا تشجعوا وايدينا في ايدين بعض ومن هنااااااااااااا نبدأ ,,
وبرجع بقووول ****** مع همس الربيع كلوو غير ****** pale

طيب ابدأ انا

الساعة هلأ 10:52 صبااحا اليوم الخميس
انا مانمت طول الليل مش عارفة ليش silent

كنت حاسة حالي متدااااااااااايقة ومخنوووقة كتير ولهلأ الاحساس مافارقني
نفسي اعرف السبب Sad

بعد ماصليت الفجر حاولت انام وما عرفت
كان عندي جامعة وطنشتها لاني مش طايقة اشوف حدا ولا احكي مع حدا
قمت ضبيت البيت وقعدت عالنت
الغلبانة معايا امي بتحااول تعرف ايش مالي وانا مش عارفة ايش احكيلها
كل اللي في الموضوع انها كل ما تسالني بعصب عليها
لا ارادي والله وانا متداااااااااااااااااااااااااايقة كتييير عشانها Sad

مابعرف يومياتي اليوم كئييبة عالااااخر
ان شاء الله كمان كم ساعة بيروح الضيق عني وبرتااااح
قرات قرءااان وصليت الضحى قلت يمكن ارتاااح وفش فايدة
انا واثقة اني بس اكتب رح ارتاااح وانا متأكدة انو فضفضتي مش حتكون ازعاج الكم
المهم بدي اياكم تدعووولي وخلونا نشوف يوميات عضوو تاني
يللا تشجعوا للموضووع
في انتظاركم انا pale

الله يفرجها عليكي
هلا الساعة 4 ونص

انا يا ستي ...صحيت على الساعة 11 ونص قعدت مع ماما على التلفزيون شوي
بعدين بدينا بترتيب البيت...خلصت الغرف ..صليت الظهر...بعدين ماما نادت علينا عشان نتغدى..اكلنا فاصوليا خضرا
وبعدين جليت ...وماما فاتت نامت ...وانا هلا قاعدة على النت بس

*****مواضيعك رهيـــبة****

أنا الي يومين زي قصتك الليلة يا همس
ما بعرف أنام وبضلني طول الليل أتقلب .. بحس حالي قلقانة من اشي
بس أنا مابعرف شو هو؟!!
بجد .. بصلي العشا وباجي أنام ما بقدر .. وبسير راسي يجعني
بفتح قرآن على اني أنااام أبدا
بصلي الفجر وبعديها بحكي يمكن أرجع أرتاح أبدا ما في فايدة
عن جـــد؟!! يا ريت تلاقولي حل .. لأني مسطلة كتييييير الي يومين ما دقت طعم النووووم!!
واليوم صحيت ع الساعة 10 البست واطلعت ع المخيم
وروحت من المخيم مشي ع الساعة 1 أنا وصحبيتي ((صحافية)) وصلنا البيت 2
وطبعا ما وصلت البيت شربت كل المية اللي بالبيت وفوق ما أنا مسطلة الشمس سطلتني بزيادة
وهيني روحت من المخيم ارتحت نص ساعة من المشي وبعديها شطفت البيت وضبيت
وهيني اجيت قعدت ع النت
!!!!
ومشكوووووووورة أختي همس الربيع على موضوعك المميز جدا جدا جدا ،،

موضوع ممييز

حتما سيكون لي تواجد كبير هنا
لي عودة

أما انا فيومياتي شبه روتينية

الان الساعة 7:10 مساااء
صحيت لصلاة الفجر وكالعادة قرات الاذكار بعدها مع قليل من القران ورجعت نمت
صحيت الساعة 10 ونصف صليت الضحى افطرت ورتبت البيت وقعدت شوية مع اهلي لحد ماصارت الساعة 1طلعت على دورة الاعجاز العلمي كانت محاااضرة مميزة تكلم فيها الدكتور عن التمر واكتر معلومة لفتت انتباهي فيها هيا ايش ؟؟؟
ركزوا ياجماااعة silent

(التمر يزيد الحنان والعطف عند الرجال ) طبعا المعلومة عملت ضجة كبيرة في القاعة
"شكلهم الرجال عاملين ازمة " المهم
بعد ما روحت حطيت للوالد صحن تمر كامل طبعا لزووم المهنة

شوفوا تبعات الموضوع هادا اهم اشي ......
كانت عنا مناسبة لواحد من قرايبنا انا ماكان جاي على بالي ارووح راحت امي مع خواتي وضليت انا والوالد في البيت
كااان اخر مزاج دخلنا عالمطبخ وحضرنالنا لقمة خفيفة شوية بطاطا مع بتنجان او (باذنجان بالفصحى Smile

) وشوية جبنة وزعتر وتبعات الاكل
واللي كان يحضر الوالد وانا كنت اشراف عام
وتغدينا وخليت اخويا الله يرضى عليه يعمللنا كباية شاي بالنعنع (سيطرة شبه كاملة عالوضع 100%) Laughing

وووخلص انا عالنت وبشرب شاي ومروووقة اااخر روقاااان
فعلا موضوع ممييييييز منك ياهمس الربيع pale

وين ما تروحي مشرفة عامة هههههههههههه

يا ستي الله يعليكي كمان وكمان

ولووو نبض انتي الكل في الكل

حياكي الله ياعسل Like a Star @ heaven

اليوم الحمد لله نمت بالليل .. ابصر مين داعيالي الله يرضى عليها ،،
المهم كالعادة رنت عليا ع الفجر 4 مرات الفردوس الله يعينها عليا
وصحيت صليت الفجر وما عرفت أنام بعدها .. رحت شو ساويت رعشت لدموع الأقصى لهي رجعتلي بترعيشة .. رجعت رعشتلها .. رجعت رعشتلي وهكذا حتى سارت الساعة 6 الصبح ويمكن أكتر ضلينا نرعش لبعض يعني .. حتى بعد كم من ترعيشة كانت بدها تبعتلي مسج وأنا عرفت انها بتكتب مسج لأنها ما رجعت بترعيشة .. فضليتني أرعش عشان أخرب عليها هع هع
المهم الساعة 6 نعست وبعتلها مسج وحكتلها خلص بلكي نمت .. ردت عليا حكتلي انشالله بتنامي وزكرتني أقرأ سورة الكهف .. قرأت سورة الكهف من هان ونمت من هان على طوووول

ولما صحيت الساعة 11 ونص رنيت عليها .. هي فكرتني رنيت عليها عشان تقعد ع النت .. لأنها بعتتلي مسج حكتلي ما بقدر أقعد ع النت .. عاد هو عشان أحكيلها أني الحمد لله نمت منيح وصحيت ..
بعديها أنا رحت ضبيت كل البيت وكنست ومسحت كلو وهيني قعدت ع النت
بدنا تحكيلنا يومك يا حجة دموع

انا صحيت على الساعة 12 لقيت بابا جايب فطور

اكلنا وخلصنا حطيت على صلاة الجمعة ..وقعدت شوي سمعت لصلاة بعدين قمت
رتبت البيت ...هو اصلا مرتب مافي اشي الا ترتيب التخوت ... بعدين قرأت سورة الكهف ويس والدخان والواقعة ...بعدين صليت الظهر وحكيت ما صاحبتي خلود يمكن ساعة او نص ساعة ...وهلا انا قاعدة على النت

والله ياهمسة كإنك حاكية يومياتي

انا صحيت عالفجر وكنت نايمة متأخر كتير كانو خواتي المتزوجات بايتين عنا وضلينا سهرانين يعني نمت اشي ساعة ونص وصحيت عالفجر
صليت وقرات سورة الكهف وكنت بدي ارجع انام لقيت اريج بترن عليا ورجعت لها برنة وضلينا في سلسلة متواصلة من الرنات والمسجات طبعا ياحرااام رصيدها فنش وانا كمان Sad

بس برضو كلو بيهون عشان همسة
المهم بعد ما بعتتلي المسج انها بدها تنام انا التانية نمت لاني كنت ميتة نعس
صحيت ع 10 وكنت لسه نعسانة
اكلت سندوش جبنة وشربت كباية شاي ورجعت عشان انام وما عرفتش للاسف طبعا رنت عليا همسة فكرتها بدها تقعد عالنت وطبعا كملت هيا بقية القصة Smile

المهم قمت ع 12 وبدينا نحضر الغدا على اساس ازواج خواتي جايين يتغدوا عنا وتغدينا وجلينا والشباب راحو عصلاة العصر وانا قاعدة هلأ مع خواتي عالنت (طبعا بيبعتولكم السلامات pale

)
وهلأ بدي اقووم لانو عندي طوابير بتستنى بدها تقعد عالنت
موفقين ياحلوين ولا تنسونا من دعواتكم

انا اليوم صحيت على الساعة 2 الظهر...لاني نمت على 3 الفجر

طبعا صحيت مسطله...صليت الظهر...بعدين حطيت فطور..ورتبت البيت وخلصت ع 4
وقعدت على النت لهلا وانا قاعدة وهلا اتعشيت الساعة 10 ما شاء الله اليوم الروتين غير شكل ههههههه...وبس

اليوم الأحـــد 9 / 8
انا اليوم صليت الفجر الساعة 5 في البيت Sad

رديت نمت بعد ما شربت كاسة شاي وحـدة
" صغيرة "
مسكت جوالي ، رنيت على ما يقرب من 20 شخص
يعني " نظام قلق "
نمت من جديد لأنو ما علية مخيمات وصحيت الساعة 8 ونص ، عملت كاسة شاي لزوم القعدة مع 3 ساندويشات مثلثات جبنة
ضليت قاعد للظهر .. قمت أروح ع المسجد أصلي ، دفعت لواحد 200 شيكل علشان يشتري أغراض للجماهيري .. ما رضيت أروح معاه ع البلد وع دولة الشجاعية الكبرى
روّحت نمت بعد الغداء والساعة 4 ونص صحيت صليت وقعدت شوية ع النت
وبعدين رحت ع الحلاق عملت دقني pale

علشان عقبال عندكو عندي تكريم يوم الأربعاء بملعب سعد صايل من وزارة الشباب والرياضة ، انا مصور هناك وبنفس الوقت بدي أتكرم .
اللي بشوفو هناك راح يموت .. Very Happy

وتوتة توتة فرغت الحدوتـة

اما انا يا اخواني الي يومين تعباااان ومرشح ومفلوز وبصحى على الفجر بطفي المنبهات ال10 وبرجع بنام لاني بحس حالي مش قادر اقوم Sad

المهم طلعت على الشغل اليوم وانا مستوي على الاخر هنا صفحة ليوميات الاعضاء 134207

واول ما وصلت أفطرت علشان اقدر اخد الدواء وشربت كباية شاي عليها لمونة شحدتها من جيرانا اللى جنب مكان الشغل ، وقضيت باقي الوقت للساعة تقريبا 11:30 وانا مش مستوعب اي اشي حوليا Shocked

المهم نزلت للمدير قلتله اني مش قادر وبدي اي دواء تاني كويس واعطاني نوع تاني واخدت منه حبتين ،
وبعدها رحت روحت قبل نهاية الدوام تقريبا بساعتين طبعا بإذن من المدير،
وصلت البيت طبعا وصليت الظهر وضليتني قاعد على النت للساعة 3 وقمت تغديت واخدت بعدها حبة دواء
"حاسس انه كله على الفاضي"
بعدها بشوي اذن العصر طبعا من الكسل صليت في البيت والمفروض بعد صلاة العصر اروح على دورة الاحكام العليا وما رحت للاسف
وبعدها طلعت مشوار ورجعت قعدت على النت .... انتهى

ادعولي ربنا يرفع عني alien

وأمـا أنا أخوكم أهلاوي عينـو بتجعوا وإنخبط من الكورة بآخر تمرين مع المسـجد
المهـم كنا كلنا بنلعب بالتمارين , وفجأة ييجي لاعـب ويشوط كورة وتيجي الكورة بعينـي وطارت الكورة تقريبا ع الدور التالت ,, يعني لما خبطت بعيني طـارت الكورة أعلى من دار أبو حمزة pale

المهـم بعدها بطلت شايف وإرتميت عالأرض لأكتـر من ربـع ساعة وعيني اليميـن كلها مغمضـة وحوّلت طــه حسين فجأة
المهم أجوا كـل الشباب وحطولـي ميا على عيني وضلهم يحطوا إنها تفتح أبدا !
المهم حطـوني برة الملعب ( مهو بيقع قريب كتير من البحـر ) Laughing

ورمونـي ع الأرض والشباب الله يحييهم ما قصروا معي وعملوا الواجـب وخدموني بشوية إسعافات أوليـة
بعدهـا صارت عيني اليمين كلها مسكـرة عالآخر , والشمـال شايف فيهـا عادي , يعني تقريبا تحكـوا صرت زي القبطـــان EXACTLY ,, لأ وأحلـى حاجة إنـي كملت لعب بنص عيـن هههههههههههههه ,, بعين الله عليك يا أهلاوي مووز وتفاح وكلـو

وهينـي اليوم الإثنين بدي أروح أفحـص نظري لعل وعسـى يكون بعيني ما فيها شي

أنا بدي أروح أفحـص نظري لإني قبل هيـك أكلت ضربـتين غير هادي ,, ووحـدة من أبو عبيدة ,, يومهـا مسـك العكاز تبع سيدي اللي مات من 20 سنـة وخبطـوا بعيني على طريقـة البلياردو لو بتعرفوها هههههههههههههههههههه

وضربـة تانية كمان وربنا جزاني الصراحـة لإني كنت بأستهزء ع ولـد أصغر منـي وعينو شوية _______ وبعدهـا مباشرة صاحبي خبطنـي بخشبة كبيرة بعيني بالغلـط ,, والصراحـة تعلمت من خطأي (( ذكرتوني بموضوع تألم حتى تتعلم )) Laughing

ولـي عودة لو ضـل حبر بالكيبورد

يلا الدور دوري

هلئيت الساعة 6 وربع تقريبا ..

صحيت الساعة 7 الا ربع ورحت ع الامديست FRAID

بعدين روحت ع ال 11 ونص .. غيرت اوعيا لهوا اتصل خالو بدو يجي يزور ستو عشانها عيانة
المهم اجا وروح ع (2) .. بعدين قامت ماما تطبخ انا رحت ساعدتها Smile

وتغديت هيك تقريبا ع الاربعة
بعديت قمت جليت .. نحطيت تحت الامر الواقع للاسف هنا صفحة ليوميات الاعضاء 702225

بعدين ضليت استنى الكهربا الي الها قاطعة من ال 8 الصبح SAAAD

اجت الكهربا طبعا وصار عنا عرس زي ما تقولو بالدار ( من كتر الفرحة بجية الكهربا )

بعدين هيني قمت ع الكمبيوتر وفتحت المنتدي ..

يسلموو همس حلو كتير موضوعك ..... عسل ومين ادي Like a Star @ heaven

هههه

ايش دعوة الشباب سلاامتكم يااارب
سلامتك ياحج بال فري يرووح الشر عنك طمنا عنك كيف هلا ان شاء الله احسن؟؟
والف مبااارك التكريم خيوو ابو عبيدة من اعلى لاعلى
وانت اهلااااوي طمنا فحصت عينك وللا لا عن جد خوفتنا عليك "" سردك للقصة حلووو عالاااخر"" bounce

انا يومياتي روتينية وعالاااخر كمان
نمت على ادان الفجر ...طبعا انا مافي في قاموسي اشي اسمه النوم بالليل... وقبل الفجر نزلت كم موضوع بالمنتدى ورنيت على حبيبتي دمووع على اساس تصحى تصلي ركعتين قيام رجعتلي برنة على طول معناها انها كانت صاحية وبعتلها رسالة انها تدعيلي بعتتلي الله يوفقك وييسر لك امورك المهم كلمتها عالجوال وكانت بتراجع قرآن على اساس عندها يوم السبت تسميع القران كامل ...دعواتكم ياجماااعة الله يوفقها وتاخدها باعلى المراتب ...
المهم سبتها تكمل مراجعة وصليت ركعتين لحتى ادن الفجر وصليت الفجر ونمت
وطبعا صارت الساعة 9 من هااااان قمت وهيني عالمنتدى
يللا تفاعلو مع الموضوع ياحلوووين Like a Star @ heaven

منورين الصفحة

اقتباس :: وانت اهلااااوي طمنا فحصت عينك وللا لا عن جد خوفتنا عليك "" سردك للقصة حلووو عالاااخر""

والله رحــت بعدها بيوم عالدكتـور تبع البصريات لهو طلـع مسكر ,, المهم بعد ما لقيناه مسكـر رحت أنا وصاحبي ع الرمال أكلنـا بوظـة من عند الحج كاظـم وقعدنا بالجندي ساعـة تقريبا وبعدهـا روحنا عال7 ونص تقريبا ,,
بس هلقيت خفت الحمد لله ورجعـت زي أول وزيادة شوية ,, بـس لسة بدي أروح أفحصهـا مش رح أستنى إلا لما أتطمـن عليها ,, ها ميـن بدو يحلـّي المنتدى بردوده وتواجـده مش أنا ؟!! Laughing

أنا ولا مش أنا إحكوا ؟؟؟ بدكوش تحكوا .. طيييييييييييييب

والله انا حاليا الحمدلله احسن من اول بكتير ، بس طالعلي حاليا حم في تمي "فمي" عاملي قلقيشن

يعني مش عارف اكل ولا اشرب حتى الحكي مرات بعاني منه Sad

مشكورة يا اخت همس الربيع على السؤال وبارك الله فيكي

سلامتكم ياشباب ..اخ احمد العسل بينفع "للحم" كتير ونتائجه شبه فورية حاول تاخد معلقة صغيرة او تمضمض بماء وملح وان شاء الله بيروح الشر عنك ....
وسلامتك يااخ اهلاوي بيروح الشر عنك ان شاء الله
كفارة ان شاااء الله

طبعا انا مسطلة عالااااخر كانت عنا اليوم عزومة طويييييلة عريضة وانا ما نمت بالليل الا كم سااعة ...
وحسيت حالي قاعدة في روضة اطفال رسمي حطوا الصغار عندي في الغرفة والله لا يوريكم صابني الصمم بدري وسلف وشوية وكانت فيوزات مخي حتضرب بس الحمد لله روحوا قبل شوي وتنفست الصعداااء ...
دعواتكم يااحلى اعضاء بالكووون Like a Star @ heaven

والله انا صرلي يومين مو نايمة بالبيت ...اهلي مسافرين وان شاء الله كمان شوي بيوصلوا نمت عند خالتي..الله لا يوريكم

رحت يوم التلاتا ع 11 بالليل طبعا انا وخواتي الاربعة وصلنا رتبنا اغراضنا وقعدنا بدنا نسهر
عملن انسكافيه وقعدن اعلى البلكونة مع بنات خالتي
صارت الساعة 3 الكل طفى...فاتو نامو ...اجى وقت انيم ضحى"اختي الضغيرة"وعينكم ما تشوف الا النور ...صارت تبكي وبدي ماما وبدي اروح هلا ..ولا المشكلة الاكبر اني مو صرت اسكت فيها..صرت ابكي معها..وعلى هاي الحالة لأذان الفجر غفيت وانا قمت صليت ورجعت نمت
طبعا نمت على 4 ونص وصحيت على 9 وشو راسي راح ينفجر مسطلة مو شايف اشي قدامي ..رتبنا البيت وعلى 5 طلعنا تمشينا انا وبنت خالتي رانيا ..ورحنا على المول و اكلنا بوظة
روحن اع ال8 بعد المغرب...وبعدين قعدنا على الكمبيوتر "ما عندهم نت ما بعرف كيف عايشين
لعبنا كم لعبة
وانا حكتلهم بدي اناااااااااااااااااااااام رااااااااااااااسي طبعا على 9 ضحى نامت ...لما فتت انام ع 12 ضحى صحيت
وصار تبكي وانا نجينيت بدي انا ...صرت اغنيلها"يلا تنام يلا تنام لدبح لــ ضحى الحمام ضحى ضحى الحندقة شعرا اشقر واندقا والي حبا بيبوسها والي على قلبوا بيندقا" ونامت ونمت
وصحيت على الفجر صليت ونمت ..وبعدين صحيت ع 10 ومو مسدقة وهو اليوم يخلص عشان اروح على البيت قرفت حالي بدي نت ...والله ما في غير بيتوا الواحد ..الله يرجع اهلي بالسلامة وتوتة توتة خلصت الحتوتة

والله اختك ضحى كاينة عامله الك قلق يا اخت نبض فلسطين

والله الله يعينك يا ديانا .. قلبي معك

ام انا هلئيت مسطلة ونسيت احداث اليوم Smile

Palfree كتب:: والله اختك ضحى كاينة عامله الك قلق يا اخت نبض فلسطين

والله انو قلق عنجد قلق العادة...من 3ايام مو نايمة الا 9 ساعات وااااااااااااااااااع ،والله اني تعباااااااانة ونعسااانة
الحمد لله هلا اهلي وصلوا بدي انااااااااااااااام وارتااااااااااح

والله يا عسل ما حدا مسطل قدي

» صفحة بلا عنوان
» صفحة في القرءان تصف ما يحدث في غزة
» أرجو رد جميع الاعضاء

هنا صفحة ليوميات الاعضاء

Content on this page requires a newer version of Adobe Flash Player.